ပျော်ရာမှာ အလုပ်လုပ်ရတဲ့ အခါ
ကိုယ်နေတဲ့ အိမ်ရှင်အစ်မက တစ်ခါမှ အလုပ်မလုပ်ဘူးပါဘူး။ တစ်နေ့တော့ သတင်းစာထဲမှာ Daiso က အလုပ်ခေါ်စာတွေ့တော့ သွားလျှောက်မယ်ဆိုပြီး သွားလေရဲ့။ အစ်မရဲ့ အမျိုးသားကလဲ အစ်မပင်ပန်းရင် နှစ်ရက်လောက်ဆို မလုပ်နိုင်တော့ဘူးဆိုပြီး ပြန်ပြေးလာမှာပဲလို့ မျှော်လင့်ပြီး သွားချင်လဲသွားပေါ့။ ကိုယ်တို့ကလဲ အစ်မ အပင်ပန်းခံနိုင်မှာမဟုတ်ဘူးပေါ့။ ဒီလိုနဲ့ လုပ်လာတာ ၂ လ ကျော်လောက်ရှိသွားပြီ။ အစ်မလဲ ကျန်းမာရေးပိုကောင်း၊ ပျော်ရွှင်တက်ကြွနေလိုက်တာလဲ အလွန်၊ နောက်ပြီး အိမ်မှာလဲ Daiso က ပစ္စည်းဆန်းဆန်းလေးတွေ မျိုးစုံပါပဲ။ အစထဲက Daiso ကြိုက်တဲ့ အစ်မ၊ အဲဒီဆိုင်ထဲရောက်ရင် တော်တော်နဲ့ ပြန်မထွက်နိုင်တဲ့ လူဆိုတော့၊ သူ့အတွက် လုပ်ငန်းခွင်မှာ တစ်နေကုန်နေရတာ ဘာနဲ့တူသလဲဆိုတော့ ချောကလက်တွေ၊ ရေခဲမုန့်တွေကြားထဲရောက်နေတဲ့ ကလေးလေးအတိုင်းပဲ ထင်ပါရဲ့။
ကိုယ်အနေနဲ့ကတော့ Daiso ကို မှတ်မှတ်ရရ တစ်ခါပဲသွားဘူးတာ။ ရန်ကုန်က ဂျပန်ယွန်းထည်လေးတွေလိုချင်တယ်ဆိုလို့ သွားဝယ်ပေးတာ။ ယွန်းထည်ရှိတဲ့ နေရာရှာပြီး လိုချင်တာဝယ်ပြီး ပြန်ထွက်လာခဲ့တာ။ ဒီလောက်ပစ္စည်းတွေ အများကြီးထဲမှာ သေသေချာချာ ရှာဖွေမ၀ယ်တတ်ခဲ့ဘူး။ ၀ယ်စရာကောင်းမယ့် ပစ္စည်းလေးတွေ ရှိနေတာလဲ မသိဘူး။ အခုမှ အစ်မ ၀ယ်လာတဲ့ပစ္စည်းလေးတွေ စိတ်ဝင်တစား ယူကြည့်မိတော့တယ်။ ရှာဝယ်တတ်ရင်တော့ Daiso က ဘာဝယ်ဝယ် ၂ ဒေါ်လာနဲ့ ပျော်စရာကောင်းသား။
ကိုယ့်အစ်မတစ်ယောက်တော့ ဂျပန်စာလဲ ကျက်နေလေရဲ့။ Daiso က ဂျပန်မှာ ဆိုင်ခွဲ ၅၀၀ ရှိပြီး တကမ္ဘာလုံးမှာ ၂၄၀၀ ရှိတာလဲပြောပြရဲ့။ သူတို့ပစ္စည်းတွေက ဂျပန်၊ ကိုရီးယား၊ ဟောင်ကောင်၊ အမေရိကား နဲ့ တရုတ်က သွင်းပြီး Product for Daiso ဆိုပြီး ဂျပန်မှာ Quality Control ပြန်လုပ်ထားတဲ့ အကြောင်း၊ Sales ရယ် Cashier ရယ်မရှိဘဲ လူတိုင်း၊ ရာထူးတိုင်း လုပ်နိုင်အောင် အားလုံးသင်ရတဲ့ အကြောင်း၊ အဲဒီလိုအကုန်သင်ရတာကို သူများတွေက ရှုပ်တယ်ဆိုပြီး ငြိုငြင်ကြတဲ့အကြောင်း၊ သူကတော့ သူသိချင်တာတွေ သိခွင့်ရလို့ ပျော်တဲ့အကြောင်း၊ ဆိုင်မန်နေဂျာက ဂျပန်လူမျိုးဖြစ်တဲ့အတွက် စည်းကမ်းအရမ်းကြီးတဲ့အကြောင်း၊ တော်သေးတယ် သူတို့ရောင်းပေးလို့ ပစ္စည်းလေးတွေဝယ်လို့ရတာ ကျေးဇူးတင်လိုက်တာ ဆိုတာက ပါသေးတယ်။ ကိုယ်တို့အိမ်သားတွေအားလုံး အစ်မကို ကြည့်ပြီး ပြုံးကြရတယ်။
သူတို့အလုပ်သဘာဝက မနက် ၉ နာရီကနေ ညနေ ၆ နာရီ၊ နေ့လည် ၂ နာရီကနေ ည ၁၀း၃၀ ထိ ၂ ဆိုင်း အလှည့်ကျ ကို တစ်ပတ် ၁ ရက် နား။ ကိုယ်အလုပ်ဆင်းရတဲ့ ရက်ဆို Daiso ပစ္စည်းဝယ်ခွင့်မရှိ၊ သုံးစွဲခွင့် မရှိပါဘူး။ ထမင်းဘူးထည့်တဲ့ အိတ်ကလေးကအစ ယူလာခွင့် မရှိပါဘူး။ အဲဒီတော့ ပစ္စည်းလိုချင်တာ ရှိရင် အလုပ်နားရက်မှာ သပ်သပ်သွားဝယ်ရတာပါ။ ကိုယ့်အစ်မကတော့ အလုပ်ပိတ်ရက် အိမ်အလုပ်တွေပြီးရင် Daiso သွားတော့တာပါပဲ။ ပြီးရင်တပုံကြီးဝယ်ပြီး ပြန်လာတတ်တာ။
သူမို့လို့ ရှာရှာဖွေဖွေ ၀ယ်တတ်ပါတယ်။ ဆန်ပိုးမတက်အောင် ထည့်တဲ့ဘူးလေးတွေ၊ ကားမောင်းရင် လက်တွေနေလောင်မှာစိုးလို့ ၀တ်ရတဲ့ လက်အိတ်ရှည်ရှည်လှလှလေးတွေ၊ Microwave ထဲမှာ ဟင်းနွေးရင် သုံးတဲ့ လက်မပူတဲ့ ခွက်ကလေးတွေ၊ ပန်းပင်လုပ်တဲ့ ပစ္စည်းလေးတွေ၊ Screw Drivers အရွယ်စုံ၊ L-Keys အရွယ်စုံ၊ အမျိုးကို စုံနေတာပါပဲ။
တကယ်လို့များ Sembawang မှာရှိတဲ့ Daiso အသစ်ကြီးကို ရောက်ခဲ့ရင်၊ တကယ်လို့များ ဘာပစ္စည်းတွေဘယ်လို အသုံးတည့်တယ်ဆိုတာ သိချင်ခဲ့ရင် ကောင်းကင်ပေါ်က လူတိုင်းချစ်တဲ့ အရာနဲ့ ထပ်တူညီတဲ့ နာမည်လေး ရင်ဘတ်မှာထိုးထားတဲ့ ၀န်ထမ်း သွားရှာပြီး မေးကြည့်နိုင်ပါတယ်။ ဒါပေမယ့် See And Be Seen ရဲ့ အစ်မလားဟင် လို့တော့ မမေးနဲ့ပေါ့ဗျာ။
11 comments:
Daiso မရောက်ဖြစ်တာ ဘယ်နှစ်နှစ် ရှိပြီလဲ မသိဘူး။ အခုတော့ သွားချင်စိတ် ပေါက်သွားပြန်ပြီ။ :)
နာမည်က မစန္ဒာလားးးး...။
Diaso ကိုရောက်ပြီး အဲဒီချစ်စရာပစ္စည်းလေးတွေ မတွေ့ခဲ့ဘူး..။
IMM က Daiso တော့ရောက်ဖြစ်တယ်။ အဲဒီမှာတော့ မိုး ဆို့တဲ့ အဒေါ်ကြီးတစ်ယောက်တော့ တွေ့ပါတယ်။
ဒီမှာကတော့ ယန်း ၁၀၀ ဆိုင်လို့ ခေါ်ကြတယ်.. အခွန်ပါထည့်တွက်တော့ ၁၀၅ ယန်း ပေးရတယ်.. အဲဒီဆိုင်တွေ ရောက်သွားပြီဆိုရင် အကုန်လိုချင်စရာကြီးပဲ.. သေးသေး ပိစိလေးတွေက အစ ပန်းကန်၊ ခွက်၊ ပုံစံမျိုးစုံပါပဲ.. တချို့ဆိုင်တွေဆို တော်တော်ကြီးတယ်.. ၃ ထပ်တောင် ရှိတာ.. နောက်တော့ သိပ်မကိုက်ဘူးလား မသိဘူး.. ဆိုင်ကြီးတွေ ပိတ်ကုန်တယ်.. ဆိုင် အသေးလေးတွေတော့ ရှိနေသေးတယ်.. အမက အဲဒီဆိုင်ကို သွားမယ်ဆိုရင် ကိုယ်ဝယ်ချင်တာပဲ ၀ယ်မိအောင် ကြိုးစားရတယ်.. နို့မို့လေ ဟိုဟာလေး လိုချင် ဒီဟာလေး လည်း လိုချင်နဲ့ အားလုံးပေါင်းတော့ ယန်း ၁၀၀၀ နီးပါးလောက်ဖြစ်သွားလို့ မနည်း ဘရိတ်အုပ်ရတယ်.. :D
IMM က Diaso ကိုတော့ ရန်ကုန်လူကြုံပြန်မယ်ဆိုတိုင်း ရောက်ဖြစ်တယ်။ ဂျပန်စာကြိုက်တဲ့ လူကြီးတွေအတွက် ဝယ်ရတာ အဆင်ပြေတယ်လေ။ ဘာဝယ်ဝယ် ၂ ကျပ်မို့ စိတ်ကို အမြဲထိမ်းထိမ်းနေရတယ်။
ပျော်တဲ့ နေရာမှာ လုပ်ခွင့်ရတဲ့ အဲဒီအမအတွက် အားရကျေနပ်လိုက်တာဗျာ။
ပစ္စည်းတွေ အစုံပါဘဲလားဗျ..။ မေးဖြစ်အောင်ကိုမေးလိုက်အုံးမယ်..။
ကံကောင်းတာပေါ့... ဒီထက် အောင်မြင်ပါစေ
တစ်ခါရေးဘို့တစ်နှစ်စောင့်ရတယ်။ဖတ်ချင်လို့ပါ။
မိုးပေါ်က လမင်းကြီးနဲ့ seen and be seen ကို လှမ်းနှုတ်ဆက်လိုက်တာ
ီDaiso ကို ကြေငြာနေတာလားဗျို့  ..... :P
ဒီဘလော့ကိုအသိနောက်ကျလေခြင်း
IMM ဒိုင်ဆိုက လွန်ခဲ့တဲ့တစ်ပတ်က ပစ္စည်း ၄၅ ခုတိတိဝယ်ပြီးပြန်လာသူဖြစ်ပါကြောင်း
Post a Comment